Реката се запознава со пливање, а човекот со разговор.

субота, 17. јул 2021.

МИРОТ Е ЗЕЛЕН 2021

 Мирот е зелен - секое дело е важно

   Во јуни 2021 година учествувавме во меѓународната иницијатива "Peace Is Green - Every Act Matters" (Мирот е зелен - секое дело е важно), организирана по повод Светскиот ден на животната средина. Овој настан имаше за цел да ја подигне свеста за значењето на зачувувањето на природата, обновувањето на животната средина, климатските промени и садењето дрвја. Преку нашето учество станавме дел од една голема светска акција која испрати важна порака дека секој човек може да придонесе за подобар и почист свет. За нас, оваа иницијатива беше продолжение на една долгогодишна посветеност на екологијата и грижата за животната средина. Повеќе од две децении сме дел од семејството на ГЛОБЕ училиштата, а една и пол деценија сме и ЕНО училиште. Екологијата ја имплементираме во наставата, соработуваме со невладини еколошки организации, се грижиме за правилното управување со отпадот во училиштето и редовно садиме дрвја. Преку сите овие активности ги поттикнувам  учениците да развиваат еколошка свест, одговорност и љубов кон природата.

Мотото "Мирот е зелен" нè потсети дека мирот не значи само живот без војни и конфликти, туку и хармонија меѓу човекот и природата. Не можеме да имаме среќна иднина ако не се грижиме за планетата на која живееме. Особено важна беше пораката дека секое дело е важно. Дури и најмалите чекори, како засадување дрво, собирање отпад, штедење вода и грижа за зеленилото, можат да направат голема промена кога сите дејствуваме заедно. Нашето учество во оваа иницијатива беше уште една можност да ја споделиме нашата посветеност и да покажеме дека еколошката одговорност не е само дел од наставата, туку начин на размислување и живеење. Затоа, да го чуваме мирот, да ја сакаме природата и да бидеме пример со нашите дела, бидејќи зелената планета е симбол на животот, надежта и мирната иднина. Секое дело е важно, а секое засадено дрво е придонес кон подобар свет,